⟨De saltatione⟩

Quis nisi vesanus saltat ducitque choreas

      Et movet ad lyricos mollia membra modos?

Quis nisi veratrum sorbens pulsat pede terram

      Vtraque Bachantum brachia more rotat?

5

Scilicet enervant animos et robora mentis

      Debilitant crotalum barbita plectra lyre.

O quotiens simulat venerem, cum blanda canorus

      Membra[t] dat in gyros clune tremente chorus!

Mollius haud agitat lumbosque natesque puella

10

      Gaditana iocos docta Cupidineos.

His Phrigius Pyliusque senex iuvenescere possent

      Gestibus, his nulla est femina casta choris.

Masturbator erit subito, pedico, fututor,

      Thesides haec si viderit Hippolitus.

15

Quare qui castos nolit corrumpere mores,

      Diffugiat tales - blanda venena - choros;

Improbus at siquis scortator leno cynedus

      Esse cupit, spectet munera †ne vestris†.