argumenta Plautina Aulularia


1.

Senex auarus uix sibi credens Euclio

Domi suae defossam multis cum opibus

Aulam inuenit, rursumque penitus conditam

Exanguis amens seruat. Eius filiam

5

Lyconides uitiarat. Interea senex

Megadorus a sorore suasus ducere

Vxorem auari gnatam deposcit sibi.

Durus senex uix promittit atque aulae timens

Domo sublatam uariis abstrudit locis.

10

Insidias seruos facit huius Lyconidis

Qui uirginem uitiarat; atque ipse obsecrat

Auonculum Megadorum sibimet cedere

Vxorem amanti. Per dolum mox Euclio

Cum perdidisset aulam, insperato inuenit

15

Laetusque natam conlocat Lyconidi.

 

2.

Aulam repertam auri plenam Euclio

Vi summa seruat, miseris adfectus modis.

Lyconides istius uitiat filiam.

Volt hanc Megadorus indotatam ducere,

5

Lubensque ut faciat dat coquos cum obsonio.

Auro formidat Euclio, abstrudit foris.

Re omni inspecta compressoris seruolus

Id surpit. Illic Euclioni rem refert.

Ab eo donatur auro, uxore et filio.