Cristini-2023, 149-150

Ille ego sum mundi quondam sine fine uiator

Senarius, membris tumulo, non nomine, clausus,

Principis inuicti semper sublimis amore,

Cuius in orbe fui uox regum, lingua salutis,

5

Foederis orator, pacis uia, terminus irae,

Semen amicitiae, belli fuga, litibus hostis.

Nouit et hoc Oriens, hoc ultimus axis Iberi;

Hoc scit bruma rigens, scit et Africa solibus usta.

Bis denas et quinque simul legatio nostra

10

Signat in orbe uias et numquam strata labore.

Cursus erat uolucer, namque anno peruigil uno

Bis maris Oceani, bis Pontica litora uidi,

Europamque Asiamque sequens, duo limina mundi.

His etiam meritis sociauimus agmen honorum:

15

Aulica quippe comes rexi patrimonia clarus

Et mea patricio fulserunt cingula cultu.

Me pietas, me sancta fides, me fouit honestas:

Secla canant titulos, nam moribus astra tenemus.

2

De Senario, Theoderici comite patrimoni et patricio, vide PLRE II 988s. Senarius

Regio VIII Aemilia / Località: Ravenna (?)
Datazione: 515-538 d.C.

 

Testo base di riferimento: Cristini-2023, 149-150

Cura dell'edizione digitale: A. Prontera, 2025

 

Esametri